Policia kroate ka sjellë sërish shoferin e autobusit në Gjykatën e Qarkut të Sllavonski Brodit. Ai është parë duke u shfaqur në Gjykatë i shoqëruar nga policia dhe me pranga në duar.
Aty do të dëgjohen dëshmitë e pasagjerëve të mbijetuar që ishin në autobus në momëntin që ndodhi aksidenti, ku si pasojë humbën jetën 10 persona. Dy nga pasagjerët janë parë merroba të gjakosura duke hyrë bë gjykatë, nuk kishin arritur të ndërroheshin.
Pas kësaj, në orën 16:30 një autobus pritet t’i dërgojë për në Osjek pasagjerët nga ku sonte pritet të udhëtojnë me aeroplan për në Kosovë. Shoferit të autobusit nga Kosova sot i është caktuar masa e paraburgimit prej 30 ditëve, e pas këtij verdikti avokati i tij mbrojtës Igor Cishper i është drejtuar mediave.
