Policia ka arrestuar personin që drejtonte automjetin tip “Benz” që shkaktoi aksidentin në aksin Milot Rrëshen ku mbetën të vdekur babë e bir. Në pranga ka rënë Arlind Mihaj i cili akuzohet si shkaktari i aksidentit të rëndë ku vdiqën 33-vjecari Shkurt Prenga dhe djali i tij i mitur, 3-vjecari O. Prenga.
Ndërsa bashkëshortja e tij, 26-vjeçarja Fabiola Prenga mbeti e plagosur rëndë dhe u transportua në spitalin e Traumës në Tiranë.
Aksidenti fatal ndodhi ditën e djeshme rreth orës 16:30 në aksin Milot-Rrrëshen dhe nga hetimet paraprake dyshohet se shkak është parakalimi i gabuar dhe shpejtësia e lartë. Drejtuesi i automjetit “Mercedes-Benz, Arlind Mihaj udhëtonte në drejtim në Milotit dhe në afërsi të një karburanti ka kryer parakalim të gabuar duke i dalë përpara automjetit “Opel Corsa” ku udhëtonte familja Prenga.
Si pasojë e përplasjes së fortë, Benz-i ka shpërthyer në flakë, ndërsa drejtuesi i saj, Arlind Mihaj me origjinë nga Tropoja ka marrë plagë të rënda dhe po mjekohet në spitalin e Traumës, ku sot i është njoftuar masa “arrest me burg”.
Discussion about this post