Të tjera detaje raportohen mbi aksidentin tragjik të ndodhur në Unazën e Edesës, pasditen e së martës, në autostradën Follorinë-Selanik.
Viktimat, sipas mediave greke, me origjinë shqiptare, humbën jetën në vendin e ngjarjes, ndërsa automjeti me të cilin udhëtonin u përplas me një kamion. Raportohet se një nga viktimat, drejtuesi i automjetit është 54 vjeç dhe një nga pasagjerët që humbi jetën është 44 vjeç.
Sipas informacioneve të mediave greke, të pesë personat janë me origjinë shqiptare, të cilët punonin në fermat e zonës dhe ishin nisur për në Mavrovouni Skydra.
“Sapo u njoftova për aksidentin, kam qenë menjëherë në vendngjarje ku zjarrfikësit me përpjekje mbinjerëzore kanë nxjerrë drejtuesin e veturës, fatkeqësisht i vdekur në atë moment, ndërsa ishin nxjerrë edhe 4 pasagjerë, të cilët kishin gjetur vdekjen e menjëhershme, pavarësisht se jastëkët e ajrit ishin hapur”, raportojnë mediat greke.
Aksidenti ka ndodhur ndërsa automjeti lëvizte në drejtim të Rizarit Pellas, teksa kalonte tunelin e vendosur në Unazën mbi Edessa, pasi ishte kthyer për një arsye të panjohur, u përplas me një kamion që po afrohej në drejtim të Agra Edessa.
Nga përplasja e rëndë fatkeqësisht humbën jetën drejtuesi dhe katër personat që udhëtonin në mjet, ndërsa drejtuesi i kamionit mbeti i plagosur lehtë.
Lexo edhe:
FOTO+VIDEO/ Aksidenti tragjik me 5 viktima, ja si është shkatërruar makina me targa shqiptare
Discussion about this post