Një aksident është shënuar paraditen e kësaj të hënë në Korçë, ku dy makina janë përplasur me njëra-tjetrën. Mësohet që pas aksidentit, shoferët e mjeteve janë përleshur me njëri-tjetrin. Sipas bluve, 29-vjeçari D.A ka kërcënuar me fjalë 40-vjeçarin, L.B. Menjëherë pas ndërhyrjes së policisë të dy ata kanë rënë në pranga. Ndërkaq, në Korçë policia ka arrestuar 28-vjeçarin F.K, për drejtim të mjetit në gjendje të parregullt.
“Specialistët e Trafikut Urban dhe Interurban pranë DVP Korçë bënë arrestimin në flagrancë të shtetasve D. A., 29 vjeç, banues në Korçë dhe L. B., 40 vjeç, banues në fshatin Belorta, Korçë, për veprat penale “Kanosja”, “Shkatërrimi i pronës” dhe “Drejtimi i automjeteve në mënyrë të parregullt”.
Shtetasit e mësipërm, mëngjesin e sotëm, në lagjen nr. 15, Korçë, duke drejtuar respektivisht automjetet e tyre tip “Benz”, janë përfshirë në një aksident me dëme materiale. Gjithashtu shtetasi D. A. ka kanosur me fjalë dhe i ka dëmtuar mjetin shtetasit L. B.
Pas kryerjes së testit të alkoolit, rezultoi se të dy drejtuesit drejtonin mjetet, në gjendje të dehur.
—
Po nga këta specialistë u arrestua në flagrancë shtetasi F. K., 28 vjeç, banues në fshatin Manastirec, Maliq, për veprën penale “Drejtimi i automjeteve në mënyrë të parregullt”, pasi në aksin rrugor Maliq-Pogradec, u kap duke drejtuar mjetin tip “Ford”, pa leje drejtimi.”-njofton policia.
Discussion about this post