Një aksident është regjistruar pasditen e së dielës në qytetin e Durrësit.
Në aksin rrugor Xhafzotaj-Rrashbull dy automjete janë përplasur me njëra-tjetrën. Si pasojë dy persona janë lënduar dhe po marrin mjekim në spital.
Shoferi i mjetit tip “Benz” dhe një fëmijë janë transportuar me urgjencë dhe ndodhen jashtë rrezikut për jetën.
Policia ka shoqëruar shoferin tjetër i cili drejtonte makinën tip “Toyota”.
Grupi hetimor në vendin e ngjarjes po punon për zbardhjen e shkaqeve të aksidentit.
Discussion about this post