Klubi i Beshiktashit ka denoncuar një ngjarje të rëndë që i ka ndodhur një futbollisti të tyre vetëm pak ditë para ndeshjes së kësaj me gjigandët shqiptarë të Tiranës në Conference League.
Mbrojtësi Emreçan Uzunhan, i përfshirë në listën e kësaj skuadre për duelin e dyfishtë ndaj bardhebluve, ka përfunduar në spital si pasojë e ngjarjes që ndodhi një ditë më parë.
Nëpërmjet një komunikate për shtyp. Beshiktashi bëri të ditur se futbollisti ishte përfshirë në një aksident automobilistik me disa makina të përfshira.
Por ndërsa ai kishte dalë nga automjeti bashkë me të tjerët për të verifikuar dëmet, ishte sulmuar nga një nga personat e tjerë të përfshirë në këtë aksident.
Si pasojë e kësaj ngjarje, Uzunhan kishte marrë dëmtime dhe ishte bërë e nevojshme një ndërhyrje kirurgjikale pasi kishte pësuar këputje muskulore në pulpë.
Klubi bëri të ditur se do të ndiqte juridikisht këtë çështje, për të ndëshkuar personin i cili kishte sulmuar futbollistin e Beshiktashit, ndërsa mediat turke raportojnë se ai është identifikuar dhe është marrë në shoqërim nga policia.
Discussion about this post