Michail Antonio do të jetë jashtë fushave të blerta për të paktën një vit. Sulmuesi i West Ham, u përfshi në një aksident të rëndë në fundjavë dhe si pasojë e kësaj ka thyer këmbën.
Lojtari u transportua me helikopter në spital, ku shmangu rrezikun për jetën, por dëmtimet në trup kanë qenë të shumta.
Sipas “The Guardian”, futbollisti i Premier League, do i nënshtrohet një operacioni për thyerjen e këmbës dhe si pasojë e kësaj do të jetë jashtë futbollit për të paktën një vit.
Gjithashtu, raportohet se 34-vjeçari mund të tërhiqet nga futbolli i luajtur, por një vendim për këtë, do e marrë në muajt e ardhshëm.
Kujtojmë se Antonio pësoi një përplasje të frikshme me Ferrarin e tij dhe nga pamjet që qarkulluan në internet, u pa makina e tij e shkatërruar në pjesën më të madhe të ssaj, por për fat të mirë lojtari nga Xhamajka ka shpëtuar.
Discussion about this post