Partizani është duke u përgatitur për ndeshjen e të shtunës kundër Skënderbeut, e vlefshme për javën e 11 të Superligës.
Në një komunikim për mediat të dhënë ditën e sotme mbrojtësi i ‘Të kuqve’ të kryeqytetit, Egzon Belica u shpreh se Skënderbeu është një nga ata kundërshtarë që u ka hapur gjithmonë probleme ‘Demave’.
“Do të thosha që në kampionat nuk ka ndeshje të lehta. Skënderbeu ka treguar se di të jetë rival i forte. Kemi dalë dy ndeshjet e fundit barazim me këtë skuadër. Edhe ndeshja e radhës do të jetë e fortë, shpresoj që çdo gjë të shkojë sipas planeve tona.”-u shpreh ai.
Më tej lojtari foli edhe për titullin, duke lënë të kuptohej se nuk kanë hequr dorë nga trofeu edhe pse janë shumë keq më pikët në këtë fazë të parë.
“Kampionati është shumë i gjatë, ka edhe shumë pikë në lojë. Synimet i kemi madhore. Nuk jemi aty u ku dëshironim në renditje, por kemi mundësi të rikuperojmë pikë ndaj rivalëve.”-tha ndër të tjera Belica./K.T/Gijotina.com
Discussion about this post