Aksidentohet për vdekje 23-vjeçari shqiptar në Itali

Një 23-vjeçar me origjinë shqiptare ka ndërruar jetë në Itali, si pasojë e një aksidenti të rëndë rrugor, i cili ndodhi në orët e para të mëngjesit.

Mediat italiane bëjnë me dije se viktima po udhëtonte bashkë me katër miqtë e tij, kur makina me të cilën po lëviznin humbi kontrollin dhe u përplas me barrierat anësore të rrugës.

Mësohet se 23-vjeçari shqiptar ishte një nga pasagjerët e mjetit tip “Alfa Romeo”. Katër shokët e tij i shpëtuan vdekjes dhe aktualisht po trajtohen në spitalin e Perugias. Aksidenti tragjik ka ndodhur përgjatë rrugës Pievaiola, pranë fshatit Strozcapponi, në komunën e Corciano.