Aksidentoi 16-vjeçaren në Kamëz dhe u largua, arrestohet pas disa orësh shoferi

Është arrestuar pas disa orësh, shoferi që aksidentoi një 16-vjeçare në Kamëz dhe u largua nga vendngjarja.

Ngjarja u regjistrua ditën e djeshme në Kamëz rreth orës 13:30, ku një 16-vjeçare teksa po kalonte vijat e bardha u aksidentua nga një mjet “BMË X5” e cila drejtohej nga Kudusi Kastrati. Pas aksidentit shoferi u largua nga vendi i ngjarjes.

E mitura u transportua në spital për ndihme mjekësore dhe ndodhet jashtë rrezikut për jetën. Falë kamerave në vendngjarje policia identifikoi autorin të cilin e arrestoi në mbrëmje pranë një lokali në Kamëz në gjendje të dehur, ndërsa mjetin e kishte parkuar jashtë lokalit.

Mjeti u sekuestrua nga policia dhe përveç arrestit, Kudusi Kastratit iu vendos gjobë dhe iu ulën pikë në patentë.