Një 47-vjeçar në Berat është vënë në pranga pasi aksidentoi një këmbësore. Bëhet e ditur se shoferi me iniciale F.H. ka përplasur me automjetin tip “Peugeot” një 47-vjeçare, banuese në Berat.
Ngjarja ndodhi në aksin rrugor Kombinat-Ypsilon. Këmbësorja e lënduar është dërguar fillimisht për mjekim në Spitalin Rajonal Berat dhe më pas u transportua për mjekim më të specializuar në Spitalin e Traumës Tiranë.
Detajet e aksidentit pritet të zbardhen pas marrjes në pyetje të të arrestuarit.
Ndërsa, materialet i kaluan Prokurorisë së Rrethit Gjyqësor Berat, për veprime të mëtejshme.
Theksojmë se gjatë kësaj jave janë shënuar dhjetëra aksidente të rënda rrugore, me disa viktima dhe të plagosur.
