Aksidentoi për vdekje 58-vjeçarin, arrestohet shoferi që u largua

Arrestohet drejtuesi i mjetit që përplasi për vdekje 58-vjeçarin Roland Shahinasi në Korçë.

Në pranga u vu G T., 29 vjeç, banues në fshatin Drithas, Maliq, për veprat penale “Shkelja e rregullave të qarkullimit rrugor” dhe “Largimi nga vendi i aksidentit”, njoftoi policia.

“Ky shtetas në rrugën dytësore Drithas-Rëmbec, në afërsi të fshatit Drithas, duke drejtuar automjetin tip ‘Benz’, ka aksidentuar me pasojë vdekje shtetasin R. Sh., 58 vjeç, banues në Drithas, i cili po lëvizte me biçikletë në rrugë. Materialet i kaluan Prokurorisë Pranë Gjykatës së Shkallës së Parë Korçë, për veprime të mëtejshme”, shtuan të njëjtat burime.