Policia greke del në komunikim zyrtar lidhur me ngjarjen e djeshme ku Gardjan Mirukaj nga Lezha theu pikat kufitare të Qafë Botës dhe Mavomatit dhe u fut ilegalisht në Greqi.
Sipas policisë greke, shqiptari duke drejtuar një mjet pa targa, ka kaluar në pikën kufitare të Mavromatit duke anashkaluar procedurat ligjore për hyrjen e tij në vend.
Makina është ndjekur nga forcat e policisë dhe në momentin që është tentuar për ta neutralizuar në qytetin e Igumenicës, i dyshuari ka përplasur me makinën e tij dy automjete të policisë, duke i shkaktuar dëme. Më pas ai u arrestua pasi fillimisht tentoi të arratisej. Ndaj tij u ngritën akuzat “kalim i paligjshëm i kufirit” dhe “dhune ndaj punonjësve zyrtare.
Discussion about this post