Një bandë që kultivonte marijuanë në Alicante dhe Elche për ta shpërndarë më pas në të gjithë Evropën Veriore, ka përfunduar në prangat e Policisë spanjolle.
Sipas mediave të huaja, janë arrestuar në kuadër të operacionit 9 shqiptarë nga mosha 20 vjeç deri në 36 vjeç. Forcat policore kanë sekuestruar 605 gram marijuanë dhe 45 gram hashash dhe 510 euro cash.
Përveç akuzave të trafikimit të drogës, grupi i shqiptarëve akuzohet dhe për mashtrime pasi siguronin energjinë elektrike duke bërë instalime të paligjshme.
Mësohet se marijuana kultivohej në dy magazina industrial në Alicante dhe Elche dhe pasi produkti ishte gati, shpërndahej në vende të ndryshme të Evropës.
Discussion about this post