Aksioni i SPAK/ Vrasjet e bujshme që zbuluan hetimet

Një sërë veprash të rënda kriminale janë zbuluar nga një hetim i SPAK që ka lëshuar mbi 40 urdhër-arrreste, të cilat janë miratuar nga Gjykata e Posaçme.

Policia, FNSH dhe RENEA kanë nisur aksionin për ekzekutimin e masave në disa qytete të vendit që prej orëve të mëngjesit të sotëm.

Burime pranë grupit hetimor thanë se hetimet disamujore që nisën pas zbardhjes së përgjimeve në aplikacionin e komunikimit “SKY ECC” kanë zbardhur edhe disa vrasje.

Krimet e zbuluara

– Ekzekutim i Bardhok Pllanajt në fillim të vitit 2021 në qytetin e Shkodrës. Vrasje kjo që dyshohet të jetë kryer nga grupi i Martinajt.

-Një vrasje në Shkodër dhe një tentativë vrasjeje ku u përfol emri i Elion Hatos, i njohur si një nga “ushtarët” e Ervis Martinajt.

– Është zbardhur po ashtu vrasja në 2021-in në zonën e Astirit e Erigers Mihasit dhe Armando Dumanit.

-Atentati ndaj Can Karriqit, një prej njerëzve më të besuar të Martinajt.

-Zhdukja e disa eksponentëve të krimit.

-Atentati ndaj Ylli Brahimit, si edhe ekzekutimi i Brilant Martinajt.

-Disa atentate dhe në Durrës, ngjarje ku përfshihen Plaurent Dervishaj dhe Endrit Dokle, dy personazhe të njohur të ish-bandës së Durrësit.

-Janë zbardhur dhe përplasjet mes grupeve kriminale të Niklës dhe Shijakut. Të përfshirë janë grupi i Avdylajve, ku veçohet emri i Astrit Avdylajt. Urdhër-arrest ka dhe për vëllezërit Bami, të përfolur për ngjarje të rënda kriminale.

-Raportohet se janë zbardhur edhe disa ngjarje të ndodhura së fundmi në kryeqytet.