Një akt normativ është miratuar nga Këshilli i Ministrave për kushtet e nevojës së emergjencës dhe sipas tyre shkon në ndihmë të bizneseve që sigurojnë mallra me shumicë ku qëllim mësohet të jetë përmbajtjen e rezervave në cdo situatë të paparashikueshme.
Gjatë diskutimit në Komisionin e Ligjeve, deputeti demokrat Enkelejd Alibeaj ngriti disa pyetje ndërsa pati një diskutim të shkurtër me deputeten socialiste Klotilda Bushkën pasi iu referua Ministres së Ekonomisë si “ministresha”.
Alibeaj: Do të doja të dija, si jua ka shpjeguar ministresha juve urgjencën në këtë rast.
Bushka: Çfarë është kjo ministresha? Ruajmë etikën, ministri thuhet.
Alibeaj: Ministri i them edhe pse është i gjinisë femër? Minstri si jua ka shpjeguar juve që të na thoni neve këtu urgjencën. Cila ka qenë pengesa për të miratuar një akt, por cila ka qenë nevoja ose pengesa që të mos e miratonte qeveria dhe ta sillte në parlament. Cili ka qenë nguti? Se shoh që është miratuar 11.05.2022 dhe ju paraqiteni 20 ditë më pas, kohë e mjaftueshme dhe për të miratuar një ligj qoftë edhe me procedurë të përshpejtuar. Pse keni zgjedhur juve që të ecni me akte normative? Më pas Alibeaj pyeti se sa absurd është të bëhet akti normativ pa mbaruar konsultimin. Pyetja e fundit ishte për kriterin e biznesit që ndihmohet financiarisht nga qeveria duke hedhur aludime se mund të përdoren kritere politike. Pyetja tjetër me kushtin e dytë. A nuk ju duket absurd që në një anë thoni që po bëni projektligj dhe ndërkohë pa mbaruar konsultimin, keni mbaruar punën me aktin normativ. A mund të jepni një sqarim a është ose jo absurd. Përsa kohë thoni që ka nisur konsultimi, do të thotë që e keni pasur në mendje një projektligj dhe i keni rënë shkurt me aktin normativ. Sa janë nga këta sipërmarrësit që tregtojnë produkte ushqimore bazë. Sa janë nga këta që kanë kërkuar të marrin kredi? Ka një listë për këtë? Dhe cilat janë pengesat që kanë hasur që ju po i vini në krah, mirë është, qeveria duhet të ndihmojë biznesin por a ka një statistikë. Mbi bazë të cilave kritere përzgjidhni biznesin për ta ndihmuar financiarisht? Mos ndoshta përdorni kritere politike”, tha Alibeaj.
Discussion about this post