Aktivizohet përsëri zjarri në Shëngjin, një banesë u rrezikua të digjet

Një tjetër vatër zjarri u aktivizua në anë të rrugës Shëngjin-Velipojë favorizuar nga era e fortë.

Ndërhyrja në kohë e punonjësve të shërbimeve në bashkinë e Lezhës bën të mundur lokalizimin e vatrave të zjarrit duke shpëtuar banesën që ndodhej shumë pranë flakëve të zjarrit.

Po punojnë forca të shumta nga punonjësit e shërbimeve e po ashtu dy zjarrfikëse nga porti i Shëngjinit janë në gatishmëri në këtë zonë që ende vijon të jetë problematike për shkak të erës.

Pak çaste më parë, Mbrojtja Civile prezantoi rezultatet e operacionit dhe deklaroi se zjarri në Shëngjin u shua.

Agjencia Kombëtare e Mbrojtjes Civile theksohet se në 4 ditë u angazhuan 308 efektivë të Forcave të Armatosura për të bërë të mundur neutralizimin e flakëve.

gijotina.com/