Prej së premtes së kaluar, aktori britanik, Julian Sands është shpallur i zhdukur në malet e Kalifornisë Jugore, të përfshira nga ngrica dhe moti i keq.
Lajmi u njoftua nga zyra e sherifit të qarkut San Bernardino, i cituar nga BBC dhe “The Guardian”.
Aktori 65-vjeçar, ylli i filmave si “A Room with a View” i James Ivory, “Naked Lunch” i David Cronenberg, “Gothic” i Ken Russell, “Boxing Helena” dhe “Arachnophobia” i David Lynch kishte shkuar në një shëtitje në malin Baldy, në vargmalin e maleve Gabriel, i frekuentuar si nga alpinistët, ashtu edhe nga skiatorët.
Gjatë këtyre ditëve, në zonë ekziston rreziku i një orteku.
Sands, një alpinist dhe adhurues i shëtitjeve të gjata, u raportua i zhdukur nga anëtarët e familjes në orën 19:00, të premten e kaluar.
Discussion about this post