Mesa duket ngjarjet në “Për’puthen” po marrin një rrjedhë tjetër.
Marius Dervishi i njohur me emrin e skenës “Zebervoki”, në një intervistë për emisionin “Mes Yjesh”, ka treguar se Alvisa Qarri dhe Hysen Rama janë të lidhur në jetën reale dhe se po gënjejnë të gjithë Shqiptarët kur thonë se janë ndarë prej muajsh.
Sipas tij Alvisa e ka pasur ëndërr kinematografinë, pasi ka qenë dhe pjesë e produksioneve të Mariusit.
“Unë i njoh personalisht, personazhin femër, kam qenë unë ai që e kam mësuar në produksionet e mia të mëparshme këto janë fakte, e kam mësuar të aktrojë dhe unë si profesori i saj i them, që aktrimi i saj është shumë i dobët.” –shprehet Marius Dervishi
Madje ai më tutje shtoi se dhe personazhet e tjerë të emisionit janë në dijeni. Pasi Alvisa dhe Hyseni kanë dhe një biznes bashkë, ku ndajnë kohën së bashku.
“Shumica atyre personazheve shkonin të bënin marketing tek biznesi i atyre, dhe dy javë para hyrjen në emision fshinë fotot me njëri-tjetrin – shprehet më tutje Zebervoki.
Rikujtojmë se Hysen Rama ka hyre ne studion e Perputhen në 2 tetor, duke sjelle largimin e menjëhershëm të Alvisa Qarrit nga emisioni. Drejtuesja e emisionit Bora Zemani, tha se ish partneri i Alvises kishte aplikuar për t’u bërë pjesë e “Për’puthen” dhe ishte kualifikuar, por pasi kishte marrë vesh që edhe ish-partnerja e tij do të ishte në emision. Moderatorja tha se Hysen Rama dhe Alvisa Qarri janë ndarë vetëm 5-6 muaj me pare. Ai gjithsesi u bë pjesë e programit dhe tani ndodhet aty si konkurrent.
