Autoriteti Kombëtar i Ushqimit ka bllokuar 29 tonë produkte ushqimore dhe ka asgjësuar 34 tonë, pasi kanë rezultuar jashtë standardeve për konsum.
AKU bën me dije se bllokimi dhe asgjesimi i këtyre produkteve ka ardhur pas kryerjes së 2 333 inspektimeve në shkallë vendi në subjekte të ndryshme tregtare gjatë javës 19-26 qershor. Sipas AKU-së, 1 595 inspektime janë kryer në pikat e kalimit kufitar dhe 738 kontrolle janë kryer në terren.
Për shkeljet e konstatuara AKU ka dhënë 14 masa administrative gjobë me vlerë totale 3 500 000 lekë dhe ka kthyer në vendin e origjinës një ngarkesë me 8 450 kg produkte, pasi ishte ndërprerë zinxhiri ftohës.
AKU i bëri apel subjekteve të respektojnë standardet dhe rregullat e sigurisë ushqimore, teksa njoftoi se kontrollet janë intensifikuar në çdo drejtim për garantimin e shëndetit të konsumatorëve.
Discussion about this post