Na ndodh shpesh që ushqimet që ne konsumojmë të na helmojmë, pasi shiten të pa kontrolluara dhe të skaduara. Ndërkohë, ditën e sotme Autoriteti Kombëtar i Ushqimit (AKU) ka njoftuar qytetarët se nuk duhet të konsumojnë produktin patatina misri “Natural Organic Tortilla Chips 125 g”. AKU sqaron se pas analizave laboratorike të kryera në Gjermani është konstatuar prani e alkaloidëve atropinë dhe skopolaminë në këto patatina.
“Autoriteti Kombëtar i Ushqimit ka ndërmarrë të gjitha masat e nevojshme për bllokimin e produktit. Në bashkëpunim edhe me operatorët e biznesit ushqimor, janë kryer njoftimet paraprake për thirrjen për konsumatorët që e kanë blerë këtë produkt që të mos e konsumojnë atë, por ta kthejnë pranë subjektit, ku e kanë blerë ”, thuhet në njoftim. Ndërsa bëhet me dije se ky produkt po bllokohen në çdo pikë, por AKU kërkon që edhe vetë konsumatorët të jenë të vëmendshëm dhe të mos e blejnë atë.
Discussion about this post