Ish kryeministri Sali Berisha ka akuzuar sot kryeministrin Edi Rama se me projektin e “Ballkanit të Hapur” po kërcënon sigurinë kombëtare të vendit.
“Ajo për të cilën unë jam këtu është se ka një projekt tjetër madhor, për Ballkanin, projekt serbo-rus e ky është Ballkani i Hapur. Shqiptarët e dinë se ky projekt u mbështet para dy muajve haptas publikisht me gjithë potencialin e tij nga ministri i Jashtëm rus Lvrov. E ky projekt mbështetet fuqimisht nga vasali i Vuçiç në Tiranë, Edi Rama. A nuk është ky një akt madhor kërcënimi të sigurisë kombëtare nga Edi Rama? Pra ata që kërkojnë agjenturën në bunkere dhe tunele, e atje duhet kërkuar por problemi madhor për Shqipërinë e sigurinë kombëtare është e ajo sot është në krye të qeverisë së vendit. Rama po vepron si agjent influent i Kremlinit në Tiranë me projektin Ballkani i Hapur”, tha Berisha në një deklaratë për mediat.
Kreu i PD riktheu në vëmendje çështjen e 5 vite më parë ku tha se në mënyrë të pashembullt u publikuan të dhënat e punonjësve të shërbimit informativ shtetëror. Për këtë ai bëri përgjegjës kryeministrin Edi Rama.
Discussion about this post