Deputeti i Partisë Demokratike, Belind Këllici ka hedhur akuza të rënda ditën e sotme, ku shprehet se në selinë blu ende ndodhen persona të armatosur, të cilët paguhen për të qëndruar aty. Sipas tij ata kanë intimiduar të rinjtë e FRPD-së, teksa shton se janë po të njëjtët që kanë vjedhur sendet e tij personale.
“Tani që ne flasim bashkë ka njerëz të armatosur brenda. Të shkohet në PD dhe ka njerëz të paguhen për të qëndruar në PD. Unë kam shkuar në policinë e shtetit pasi më kanë vjedhur materialet e mia personale. Di që këta persona rrinë brenda godinës së PD, brenda mureve. Ata rrinë me kapuç dhe maska. Le të rrinë edhe 4 ditë. Selia është e të gjithëve. Ne shkuam për të bërë mbledhjen. Gjithë ky ka qenë incidenti që u shkaktua. Pa asnjë arsye kishte njerëz që intimidonin të rinjtë e FRPD-së.
Këlliçi i kërkoi kreut aktual të PD-së Lulzim Basha që të shohë realitetin me sy dhe nëse do të mirën e partisë të futet në votëbesim, në mënyrë që kriza e krijuar brenda PD-së të zgjidhet me votë.
“Basha të dalë të takojë njerëz dhe të shikojë realitetin me sy. Nëse ia do të mirën kësaj partie futu në votëbesim ku të vendosi shumica. Forumi Rinor ka bërë një mocion që kjo krizë të zgjidhet me votë. Basha pas 2 muajsh u kujtua të mblidhte një Kuvend pas dorëzimit të firmave. Pamjet e stadiumit tregojnë se nuk ka pasur falsifikim firmash. Kjo betejë është e vërtetë. Basha e shikon selinë si pronën e vet”- u shpreh ai.
Ditën e djeshme Belind Këlliçi telefonoi policinë duke pretenduar se në selinë blu ndodheshin persona të maskuar dhe të armatosur që po kërcënonin mbështetësit ish-kryeministrit Sali Berisha gjatë mbledhjes në ambientet e selisë.
Discussion about this post