Ish-futbollisti i Sevillas Wissam Ben Yedder, është akuzuar për përdhunim, tentativë përdhunimi si dhe sulm seksual, nga një gjykatë në qytetin e Nisës.
Ben Yedder, 32 vjeç, është liruar, por gjykata ka vendosur një kondicionale prej 900.000 eurosh për futbollistin, sipas gazetës lokale ‘Nice Matin’, duke cituar burime nga Prokuroria e këtij qyteti. Për të njëjtat akuza është akuzuar edhe vëllai i tij më i vogël, 25 vjeç.
Ben Yedder, i cili luajti për Sevillan mes viteve 2016 dhe 2019, si dhe vëllai i tij u akuzuan nga dy vajza të moshës 19 dhe 20 vjeç, të cilat, sipas dëshmisë janë detyruar të kryenin disa akte seksuale natën e 10 korrikut në Beausoleil, një qytet i vogël francez që ndodhet pranë Monakos.
Me 19 gola të shënuar sezonin e kaluar për AS Monaco, futbollisti francez ishte një nga golashënuesit më të mirë në ligën franceze dhe ka luajtur për kombëtaren e vendit të tij në 19 raste.
Kur akuzat u zbuluan në mes të korrikut, klubi bardhekuq lëshoi një deklaratë, në të cilën deklaroi se ishte në dijeni të informacionit për lojtarin dhe se, siç është një rast në “procedurat gjyqësore, që klubi nuk mund t’i komentojë”.
Discussion about this post