Skandali i inceneratorëve i denoncuar nga opozita, është arsyeja se përse ka rënë në pranga ish-ministri i LSI, Lefter Koka. Mësohet se urdhër-arresti është lëshuar një ditë më parë, por është ekzekutuar sot dhe mban firmën e prokurorit Klodian Braho e gjyqtarit Erion Bani.
Mësohet se, ndaj Kokës rëndojnë akuzat për shpërdorim detyre, pastrim parash dhe korrupsion. Bashkë me të janë arrestuar edhe 2 persona të tjerë, identiteti i të cilëve nuk dihet ende.
Nuk dihet se për cilin incenerator bëhet fjalë konkretisht, teksa detaje të reja priten të mësohen në vijim nga operacioni i SPAK. Lefter Koka ka qenë ministër i LSI, dhe gjithashtu deputet i kësaj force politike, deri më zgjedhjet e 25 prillit, ku ai njoftoi se do të garonte në listat e PS.
Discussion about this post