Pas zgjedhjes së presidentit të Republikës Bajram Begaj, kryeministri Edi Rama ka dalë me një prononcim për mediet. I pyetur nëse ka padi në SPAK për Begajn, kreu i shtetit i mohon duke u shprehur se paditë në vendin tonë janë kthyer në sport kombëtar.
“Janë muhabete pa lidhje fare. Padira në këtë vend ka shumë, janë sporte kombëtare që janë zhvilluar shumë me proceset demokratike, sepse më parë bëhej në formën e letrave anonime. S’më bën përshtypje ky fakt. Më vjen mirë që kemi mundur t’i japim shqiptarëve një shembull se nuk jemi këtu për vete, por për ta dhe me ta”, u shpreh Rama.
Me shumicë votash Bajram Begaj, u zgjedh Presidenti i 8-ë, i Republikës së Shqipërisë. Nga votimi në Kuvendin e Shqipërisë Bajram Begaj mori 78 vota pro dhe 4 vota kundër dhe një abstenim ndërsa i duheshin vetëm 71 për të zëvendësuar Ilir Metën.
Në procesin e votimit morën pjesë 83 deputetë, nga të cilët 74 ishin nga mazhoranca. Nga opozita votuan Mesila Doda, Shpetim Idrizi, Nusret Avdullai, Monika Kryemadhi, Petrit Vasili, Erisa Xhixho ndërsa në votime morën pjesë edhe tre deputetë të PSD.
Discussion about this post