Gjykata e Posaçme kundër Krimit dhe Korrupsionit ka dënuar me 2 vite e 6 muaj burg ish-drejtorin e burgut 313 Eduart Strugaj, ndërsa përgjegjësi i sektorit të logjistikës Florin Ahmetaj u dënua me 4 vite burg.
Sipas njoftimit të SPAK, ish-drejtori Strugaj dhe përgjegjësi Ahmetaj janë përfshirë në skena korruptive me vlera miliona lekë. Ndërkohë, gjykata ka dënuar me 3 vite burg Ervin Kurtullën, i përfshirë në këtë skemë korruptive.
Hetimet nisën pasi Struga në bashkëpunim me shefin e Logjistikës, Florian Ahmetaj u zbuluan se kërkuan nga personi me inicialet I. Paço, një shumë prej 457.000 mijë lekë të reja me qëllim që ky i fundit të ushtronte aktivitetin tregtar të tregtimit të kafesë nëpërmjet makinetave të vendosura në IEVP – në.
Gjithashtu Ahmetaj dhe Strugaj kanë pranuar ofertën e të hetuarit Ervin Kurtulla që ky i fundit do iu jepte përfitim të parregullt në këmbim të lidhjes dhe zbatimit të kontratës së qirasë (premtimi për të dhënë një shumë çdo muaj në funksion të aktivitetit që Ervin Kurtulla do të vazhdonte në IEVP – në “Jordan Misja”).
Gjatë kryerjes së hetimeve, janë evidentuar raste prokurimesh të dyshimta të realizuara nga IEVP “Jordan Misja”, Tiranë. Me qëllim hetimin e mëtejshëm në lidhje me këto procedura prokurimi, Prokuroria po kryen hetime për veprat penale të “Shkeljes së barazisë së pjesëmarrësve në tendera apo ankande publike” dhe “Shpërdorim detyre”, parashikuar nga nenet 248 dhe 258 të Kodit Penal.
Discussion about this post