Ish-drejtoresha e ARRSH, Sonila Qato është paraqitur sërish paraditen e të mërkurës në ambientet e Prokurorisë së Posaçme SPAK. Qato u kallëzua për aksin Kardhiq-Delvinë, teksa sot SPAK i ka komunikuar akuzën “shpërdorim detyre” ish-drejtoreshës së ARRSH.
Në fillim të tetorit, Qato u thirr në SPAK për të dëshmuar në lidhje me dy akuzat e ngritura më herët: atë të shpërdorimit të detyrës dhe të pabarazisë në tenderë.
Mësohet se janë dy çështje për të cilat është thirrur të japë sqarime në SPAK Sonila Qato. Arsyeja e parë lidhet me një kallëzim që ka bërë Kontrolli i Lartë i Shtetit dhe e dyta për tenderin Kardhiq-Delvine! Qato në fundin e marsit të një viti më parë ka kundërshtuar vendim e SPAK për të zgjatur afatet e hetimit të nisur për të.
Ish drejtoresha e ARRSH ka qenë në hetim për “shpërdorim detyre” pas një kallëzimi nga një kompani ndërtimi për pabarazi në tendera. Kontrolli i Lartë i Shtetit e kallëzoi për ndjekje penale në Prokurori ish drejtoren e Autoritetit Rrugor për abuzim 5 milionë euro me tenderin e rrugës Kardhiq- Delvinë.
Pas auditimit të tenderit, KLSH kërkoi hetim të thelluar penal ndaj zonjës Qato duke e akuzuar se ka skualifikuar pa të drejtë ofertën më të ulët, atë të paraqitur nga kompania “Gjoka Konstruksion”.
Discussion about this post