Akuzat për “Toyota Yaris”, Duma-Berishës: Nëse e ka ditur, përse nuk e ka thirrur Kryesinë?

Deputetja e Partisë Demokratike, Grida Duma në një intervistë për mediat deklaroi se Kuvendi i 11 dhjetorit nuk përbën asgjë tjetër veçse pengmarrje.

Për akuzat e Berishës ndaj kreut të PD-së Lulzim Basha për çështjen ‘Toyota Yaris”, ajo e konsideroi si manipulim.

”Është manipulim i plotë. Si qenka e vërteta kur ti e thua në vitin 2021 dhe nuk e ke thënë në 2020. Si mund të jesh i vlerësuar për këtë. Përse nuk na ka ndihmuar të gjithëve, nëse kjo ngjarje ka qenë e ditur nga Berisha. Tani pyetja ime është kjo nëse kjo fakte janë ditur përse i ke mbajtur për vete. I ke mbajtur për t’i përdorur? Po ky është problem i madh. Ku është PD, po detyra ndaj saj. Po nëse e ke ditur përse nuk e ke thirrur t’i Kryesinë. Ky është shqetësimi” – tha Duma.