Shtetasja ruse Svetlana Timofeeva u la në burg nga gjykata e Elbasanit pasi dyshohet si e përfshirë në incidentin e Gramshit të 20 gushtit, së bashkë me një tjetër rus dhe një ukrainas. Të huajt u arrestuan pas incidentit në Uzinën e demontimit të armëve në Gramsh teksa tentuan të fotografojnë objektin ushtarak.
Megjithatë, disa miq të ruses kanë hapur një donacion online, ku kërkohet një mbledhje fondesh për një avokat për mbrojtjen e saj gjatë procesit gjyqësor në Shqipëri.
“Mund të lexoni tashmë në media se Lana akuzohet për spiunazh në Shqipëri pasi tentoi të vizitonte një fabrikë ushtarake të braktisur në Gramsh. Ne po fillojmë një mbledhje fondesh për një avokat për të mbrojtur Lanën nga një dënim që nuk i përshtatet shkeljes së saj. Linku i dhurimit është në bio të profilit”, thuhet në një postim të bërë nga miqtë e saj, në llogarinë e 33-vjeçares në Instagram.
Dy rusët Mikhail Zorin, 23-vjeç, Svetlana Timofeeva, 33-vjeç dhe ukrainasi Fedir Alpatov mbahen në burg që prej datës 20 gusht, ditë kur dhe ndodhi incidenti në uzinën e Gramshit. Mikhail Zorin u konfiktua me 2 ushtarët shqiptar që e pikasën, ndërsa Svetlana Timofoeva dhe ukrainasi po qëndronin në një makinë “Chevrolet camaro” me targa ukrainase AX 6200 IP.
Discussion about this post