Një 15-vjeçar shqiptar që akuzohet për përdhunimin në grup të një moshatari në Greqi dyshohet se është arratisur drejt vendlindjes. Protothema shkruan se autoritetet greke po vihen në kontakt me ato shqiptare në mënyrë që të lokalizojnë të miturin shqiptar që ishte lënë në ‘kushte shtrënguese’. Sipas medias greke, pritet që në vijim të lëshohet një urdhër arresti për shqiptarin e mitur.
“Për dy adoleshentë të tjerë, të cilët janë në çështjen penale që në fillim, dy djem të moshës 15 dhe 16 vjeç, pritet të lëshohet një urdhër-arresti, ku njëri thuhet se është arratisur në vendlindjen e tij, Shqipëri,” thuhet në artikull.
Autoritetet po hetojnë gjithashtu rolin e katër vajzave adoleshente. Bëhet fjalë për tre vajza 15-vjeçare dhe një vajzë 14-vjeçare, të cilat në bazë të dëshmisë së 15-vjeçarit, nuk kanë pasur asnjë rol, por dyshohet se kanë qenë të pranishme në momentin e torturës, përdhunimeve në grup dhe regjistrimit të videove. Vajzat në fjalë do të hetohen pasi nuk duket se kanë bërë asgjë për të parandaluar këtë akt të tmerrshëm.
Dy të mitur të tjerë të akuzuar për përdhunimin në grup të 15-vjeçarit në Ilion kanë shkuar sot në burg pas kërkimit të faljes. Deri më tani për këtë rast janë arrestuar gjashtë persona. Të akuzuarit kanë pranuar se kanë kryer akte seksuale, por pa ushtruar dhunë. Të miturit vepronin si grup kriminal dhe sipas aktakuzës dyshohet se kanë filmuar veprimet e tyre.
Discussion about this post