Akuzat që rëndojnë mbi Benjamin Mendyn për katër përdhunime në njëfarë forme janë duke ndikuar edhe mbi lojtarë të tjerë të Manchester City-t.
Nga mediat britanike po raportohet se edhe Jack Grealish mund të thirret si dëshmitar për këtë çështje.
27-vjeçari ishte në pub me Ryad Mahrez dhe Grealish para se të ndodhte ngjarja në shtëpinë e tij në muajin gusht.
Policia kërkon të marrë në pyetje Grealish si dëshmitar okular edhe pse ky bashkë me Mahrez nuk ndodheshin në shtëpinë e mbrojtësit francez kur ndodhi incidenti.
Mahrez ka deklaruar duke thënë se nuk ka qenë prezent dhe nuk do të dëshironte të merrej në pyetje.
Ndërsa klubi i Manchester City-t e ka pezulluar Mendyn deri në momentin që do të mbarojë i gjithë hetimi.
Lojtari do të dal para Gjykatës më 4 janar të 2022-shit për akuzat e abuzimit seksual, ndërsa te personat që akuzojnë francezin është edhe një e mitur./K.T/Gijotina.com
