Kreu i grupit parlamentar të PS, Taulant Balla ka “përshëndetur” propozimet e PD për hamendimet kushtetuese sa i takon, reformës territoriale, zgjedhore si edhe vetingut të politikanëve.
Ai u shpreh se nuk është njohur edhe në detaje me këto propozime, megjithatë ka shytuar se është për t’u vlerësuar fakti që në parlament kemi një opozitë që ushtron mandatin me propozime konkrete.
“Jemi të hapur për të diskutuar propozimet që vijnë nga grupi PD. Në aspektin formal propozimet të përmbushin kushtet që përcakton rregullorja. Dua të ritheksoj se është hap i rëndësishëm fakti që në Kuvend kemi një opozitë që ushtron mandatin duke ardhur me propozime konkrete.
Nuk jemi njohur zyrtarisht me propozimet. PS ka shprehur gatishmëri për të diskutuar çdo çështje pa kushte, më pas kur të marrin procedurë parlamentare, do të kemi pozicionet tona që do të burojë mbi bazën e vlerësimit të ekspertëve”, u shpreh Balla.
Ndër të tjera në prononcimin për mediet, Balla është ndalur edhe tek zgjatja e mandatit të KPK dhe komisionerit Publik.
Sipas tij çështja e ndryshimeve kushtetuese për zgjatjen e mandatit të KPK dhe Komisionerëve është një çështje që nuk është e jona por është teknike për të zgjatur mandatin e këtyre dy institucioneve për të garantuar proces të njëjtë dhe e përsëris që duhet ky nivel teknik për të mos u bërë politik.
