Shtetasja Amerikane / Kanadeze , Lyda Yolanda Harris është ekstraduar nga Tirana për në SHBA. Mësohet se ekstradimi është kryer me sukses ku e arrestuara u është dorëzuar Marshall-ëve amerikane.
Arrestimi i saj u krye në vendin tonë në muajin gusht 2021, nga njësia policore speciale “Joint Shield”, në bashkëpunim me Interpol Tiranën , me qëllim ekstradimi për në SHBA.
Gruaja e arrestuar ishte shpallur në kërkim nga autoritetet amerikane, pasi Gjykata e Distriktit Jugor të Kalifornisë, ka lëshuar urdhër arrestin ndërkombëtar të datës 28.07.2021, për kryerjen e veprës penale “Komplot për kryerjen ose pjesëmarrjen në një organizatë përmes aktivitetit shantazhues”, parashikuar nga titulli 18 i Kodit Penal të SH.B.A-ve, seksioni 1962 (d).
Discussion about this post