Sulmuesi i Brentfordit, Ivan Toney, të enjten iu bë i ditur së është i grumbulluar në kombëtaren e Anglisë për kualifikueset e Euro 2024 kundër Italisë dhe Ukrainës, pavarësisht se u përball me një sërë akuzash për vënie bastesh nga Federata e Futbollit (The FA).
Toney, i cili ende nuk ka bërë debutimin e tij ndërkombëtar, pasi u shfrytëzua nga Gareth Southgate pas thirrjes së tij të mëparshme në shtator, është akuzuar për 262 shkelje të rregullave të FA, të cilat i ndalojnë lojtarët të vënë baste në ndonjë ndeshje, edhe kur ata nuk janë të përfshirë.
27-vjeçari pritet të përballet me një ndalim të gjatë nëse shpallet fajtor nga një seancë dëgjimore e FA.
Megjithatë, vetëm Erling Haaland dhe Harry Kane kanë shënuar më shumë se 16 golat e Toney në Premier League këtë sezon, të cilët e kanë vënë Brentfordin në garë për t’u kualifikuar në Evropë.
Raheem Sterling i Chelsea-t dhe mbrojtësi i djathtë i Liverpool-it, Trent Alexander-Arnold janë mungesat e mëdha nga skuadra e Southgate për Kupën e Botës.
Qendërmbrojtësi i Manchester United, Harry Maguire, mesfushori i Chelseat, Mason Mount dhe Kalvin Phillips i Manchester Cityt ruajnë vendet e tyre pavarësisht kohës së kufizuar në fushë në nivel klubi.
Tre Luanët e nisin përpjekjen e tyre për t’u kualifikuar në Euron e vitit të ardhshëm në Gjermani me një udhëtim të vështirë në Napoli, në 23 mars, drejt kampionëve në fuqi të Italisë.
Anglia më pas pret Ukrainën në Wembley tre ditë më vonë.
Discussion about this post