Davide Cristiano Mossali, autori i dyshuar i vrasjes së Nexhat Ramës nga Kosova, ka deklaruar se është i pafajshëm. Mekaniku 52-vjeçar, i cili rezulton pa precedentë penal, është shprehur se nuk e ka vrarë ai 40-vjeçarin shqiptar.
Por prokuroria është e bindur për të kundërtën, shkruajnë mediat italiane, se Cristiano Mossali është personi i fundit që e ka parë të gjallë Nexhat Ramën dhe është vrasësi i 40-vjeçarit, trupi i të cilit u gjet i karbonizuar brenda bagazhit të një Range Rover të shkrumbuar nga flakët në vreshtat e Këlnit. Italiani akuzohet për vrasje me paramendim, shkatërrim kufome dhe armëmbajtje pa leje.
“Duket konfuz, mohon akuzat”, tha avokati i tij Stefano Forzani.
Megjithatë hetuesit janë të bindur se është ai autori i krimit, referuar tabulateve telefonike dhe kamerave të sigurisë. Dyshohet se mekaniku e ka thirrur viktimë në biznesin e tij dhe e ka qëlluar për vdekje. Më pas trupin e pajetë e ka vendosur në bagazhin e Range Rover, në emër të vëllait të Nexhat Ramës, dhe ka udhëtuar drejt Këln ku i ka vendosur flakën mjetit me benzinë.
Autori i dyshuar ka dalë me një alibi: Në momentin kur ka ndodhur krimi ishte duke drekuar me familjen. Por bashkëshortja dhe djali i tij e mohuan, duke thënë se ai nuk ka qenë me ta.
Karabinierët kanë rikonstruktuar orët e fundit të kosovarit, i cili ishte përfshirë në një hetim për zhvatje, krim nga i cili u shpall i pafajshëm dhe i akuzuar në procedim për tentativën për t’i vënë flakën vilës së një menaxheri supermarketi.
Në shtëpinë e tij në Capriolo, Rama ka pasur disa takime mëngjesin e së hënës. I fundit ka qemë Mossali, tek i cili ka shkuar me Range Rover-in e të vëllait.
Mekaniku i kishte marrë një borxh me interes prej 30 mijë eurosh viktimës dhe ishte në vështirësi financiare. Megjithatë, ajo kredi kishte rritur në kufirin e kamatës dhe huadhënësi po i bënte presion për t’ia kthyer.
Range Rover inkuadrohet në mesditë duke u larguar nga punishtja. Njëzet minuta më vonë, një fermer e vëren atë duke ecur nëpër vreshtat e Këlnit dhe më pas të përfshirë nga flakët.
“Shumë sipërmarrës dhe artizanë në krizë kërkojnë ndihmë nga njerëzit e rrezikshëm, ata i nënvlerësojnë”, ishte alarmi i prokurorit Francesco Prete. “Rrezikojnë të gjenden në një rrugicë qorre”.
Discussion about this post