Klubi arab i Al Hilalit të Riadit ka njoftuar anglezët e Manchester Cityt se është i gatshëm të paguajë 70 milionë euro për kartonin e fantazistit nga Portugalia, Bernardo Silva.
Sipas CBS Sports, “Blutë” i ofrojnë luzitanit një pagë vjetore prej 50 milionë eurosh.
Bernardo Silva, 28 vjeç, nuk ka vendosur ende për të ardhmen e tij, teksa ka katër alternativa në tavolinë për vijimin e karrierës: kalimin tek Al Hilal, Paris Saint-Germain ose Barcelona, pa harruar rinovimin me kampionët e Europës.
Ndërkohë, Al Hilal, që ka si trajner të ri portugezin Jorge Jesus, tashmë ka siguruar shërbimet e Rúben Neves, si dhe po përpiqet të blejë edhe mesfushorin Sergej Milinkovic-Savic nga Lazio.
Këtë të martë mbërritur në Riad, senegalezi Kalidou Koulibaly, ish-mbrojtësi i Chelseat.
Discussion about this post