Al Nassr sonte i befasoi të gjithë në Riad, teksa triumfoi me një kthim epik të rezultatit përballë skuadrës nga EBA, Al Ahli Dubai, me rezultatin 4-2.
Kryeqytetasit sauditë, e nisën shumë mirë takimin e fazës play-off të AFC Champions League (ekuivalenti aziatik i UEFA Champions League), duke shënuar në minutën e 11’ me anë të Taliscas, megjithatë ekipi nga Emiratet e Bashkuara, barazoi 7 minuta në vonë me anë të Alghassani. Me këtë baraspeshë, deri diku, surprizë, skuadrat shkuan në dhomat e zhveshjes për pushimin mes dy pjesëve.
Në fraksionin e dytë të lojës, u duk se do të kishim eliminim e parakohshëm të CR7 me shokë nga turneu elitar i futbollit aziatik. Përseri Alghassani (48’) realizoi, duke shokuar fansat e pranishëm në Mrsool Park, të cilët në atë moment nuk po i besonin syve, për atë që po shihnin.
Al Nassr sulmoi pa mbarim për të gjithë pjesën e mbetur të ndeshjes, me barazimin që erdhi vetëm në minutën e 88’, me anë të Sultan Al Ghannam, i cili riktheu entuziazmin, te publiku verdheblu.
Atëherë kur dukej se takimi do të shkonte në shtesë, në fundin e kohës së rregullt, i zakonshmi Talisca (95’), dërgoi topin në rrjetë për avantazhin e Al Nassr. Ky gol e demoralizoi komplet Al Ahlin e Dubait, që pak minuta më vonë, pësoi dhe golin e katërt, me autor, ish-interistin, Marcelo Brozovic.
Me këtë fitore, Al Nassr, kualifikohet në fazën e grupeve të Champions League-s Aziatike, me CR7 dhe “bandën” e tij që do kërkojnë të shkojnë sa më larg në këtë turne./m.b /gijotina.com
Discussion about this post