Mediet Italiane kanë ngritur alarmin, pasi 128 emigrantë dhe refugjatë të vendosur në dy varka, rrezikojnë të mbyten në Mesdheun qendror.
Në varkën e parë thuhet se janë të vendosur 60 persona, ndërsa në të dytën 68.
Mes tyre, sipas linjës së urgjencës “Alarm Phone”, ka shumë fëmijë që nisën udhëtimin drejt Europës, me prindërit e tyre, në brigjet e Libisë.
Sipas “La Repubblica-s”, erërat e forta kanë trazuar detin dhe gjendja e tyre është tepër e rënduar.
Në 24 orët e fundit, janë kryer 4 operacione nga autoritetet italiane për shpëtimin e tyre, por deri më tani pa rezultat.
