Kukësi ka zbritur ditën e sotme në ‘Egantia Arena’ për tu përballur me Vllazninë në kuadër të kalendarit të javës së gjashtë të Kategorisë Superiore.
Ndeshja që në minutat e para nisi mjaft e luftuar nga të dyja anët, por me Vllazninë donimuese që e kërkoi golin nga minutat e para me Aralicën. Sërisht nga rradhët e Vllaznisë do të ishte Viktor Da Silva që do të shpërdoronte një rast përballë gardianit verilindor, duke humbur mundësine e golit të avantazhit.
Minuta e 29’ do të sillte topin në këmbët e Shqiprim Taipit, që falë në goditje fantastike, rrallë herë e parë në futbollin shqiptar, tund rrjetën shkodrane, duke e drejtuar Kukësin në avantazh në këtë pjesë të parë.
Ne pjesën e dytë, Ndreca ka gjetur rrugën e rrjetës duke dyfishuar rezultatin ne 2-0. Feijao ka realizuar edhe golin e tretë për ekipin e Kukësit, por i anuluar per pozicion te parregullt.
Minutat e fundit shtuan presionin në kampin Shkodran, ku situate kulmoi me ndëshkimin me karton të kuq të Mustedanagic, duke e lënë skuadrën me dhjetë lojtarë.
Pas kësaj fitoreje, tani Kukësi e gjen veten në vendin e tretë të kalendarit të Superligës Shqiptare, me vetëm një pikë më shumë se Vllaznia ndjekese.
