‘Alarm’ në Angli, stadiumet drejt mbylljes nga COVID-19

Në Angli rikthehet paniku i Covid-19, ndërsa nga ana e Federatës Angleze të Futbollit mësohet se po merret në konsideratë një tjetër mbyllje e stadiumeve.

Së fundmi nga ana e Ministrisë së Shëndetësisë nga vendi ishullor është marrë vendimi që personat e pavaksinuar nuk do të lejohen të shkelin në shkallet e impianteve të futbollit.

Në skuadrën e Tottenham janë raportuar shtatë persona të prekur nga Covid-19, dhe nëse ky numër do të shtohet, ndeshja e fundjavës për këtë skuadër mund të vihet në rrezik.

Për këtë situatë ka reaguar edhe trajneri Antonio Conte që është shprehur:

“Çdo ditë kemi njerëz me COVID”, ka thënë Conte fillimisht në konferencë për shtyp një ditë para një ndeshjes kundër ekipit francez Rennes në Conference League.

"We are scared…why do I have to take these risks?"

An emotional Antonio Conte confirms EIGHT Spurs players have tested positive for Covid and admits he fears for who will be next #THFCpic.twitter.com/jm1YyaoCtu

— The Sun – Tottenham (@SunTottenham) December 8, 2021

“Në fund të seancës stërvitore sot, sërish një lojtar është pozitiv, një tjetër anëtar i stafit është pozitiv”.

“Nesër, kush? Unë? Një lojtar tjetër? Një tjetër anëtar i stafit? Ne vazhdojmë në këtë mënyrë, por situata është serioze”, vazhdoi Conte.

“Ne kemi familje, ne kemi kontakte me familjet tona kur kthehemi në shtëpi”.

“Është një situatë që më shqetëson. Tani me siguri ne jemi pak të frikësuar, sepse nesër nuk e dimë se çfarë ndodh”, nënvizoi ai.

Mediat e Anglisë shprehen se Tottenham ka kërkuar shtyrjen e takimit të së dielës kundër Brighton, por trajneri Conte ende nuk ka konfirmuar asgjë.