Një telefonatë anonime është bërë në recepsionin e hotel ‘Plaza’ për një bomb në parkimin e ambinetit, e cila ka ngritur në alarm forcat e rendit pasditen e sotme në Tiranë. Bëhet fjalë për një njoftim për një bombë të dyshuar në hotelin luksoz “Plaza”.
Forcat xheniere kanë shkuar në vendngjarje. Zona është rrethuar, ndërsa është bërë evakuimi i pjesshëm i ambienteve përreth, ndërsa po boshatiset godina e hotelit.
Në një njoftim zyrtar, policia konfirmoi se “rreth orës 19:35, në Sallën Operative të DVP Tiranë ka telefonuar një punonjëse e stafit të një hoteli në rrugën ‘Abdi Toptani’, me pretendimin se dikush i panjohur e ka njoftuar për vendosjen e një sasie eksplozivi në parkimin e këtij hoteli.”
“Menjeherë në vendngjarje ka shkuar forca të shumta policie të cilët kanë bërë rrethimin e zonës dhe evakuimin e personave të hotelit. Gjithashtu janë njoftuar forca xheniere për kontrollin dhe verifikimin e informacionit”, thuhet më tej në njoftimin paraprak të policisë që saktëson se në përfundim të kontrollit dhe veprimeve hetimore do të ketë një informacion me të detajuar për rastin.
Lexo edhe:
Discussion about this post