Gjatë vitit të kaluar 891 të mitur u proceduan penalisht për krime, kryesisht mbi të rinjtë rëndojnë krimet si vjedhje, autorë të dyshuar për vrasje, përdorim të lëndëve narkotike, shantazhe dhe drejtim të automjetit pa leje.
Nësë do të bënim një krahasim me vtet e kaluara, shohim që vit pas viti numri i krimeve tek fëmijet sa vjen dhe rritet
Të dhënat zyrtare tregojnë se vitin që lamë pas rezultojnë se janë regjistruar 891 procedime penale, ku përfshihen të mitur në konflikt me ligjin me rritje 8.53% të numrit të procedimeve, krahasuar me vitin 2022.
Një fenomen shqetësues, ku deri më tani sipas të dhënave, 251 të mitur po kryejnë dënimin në shërbimin e provës.
Sipas të dhënave të siguruara nga Euronews, rezulton se të mitur të dyshuar si autorë të veprave penale janë: Për vrasje në rrethana të tjera cilësuese, janë 4 të mitur të dyshuar si autorë (1 i mitur nën 14 vjeç dhe 3 të mitur të moshës 14-18 vjeç).
Ndërsa për veprën penale të vjedhjes, janë 613 të mitur të dyshuar si autorë (113 të mitur nën moshën 14 vjeç dhe 500 të mitur të moshës 15-18 vjeç).
Sa i takon veprave penale të vrasjes dhe vrasjes së mbetur në tentativë nuk ka të mitur të dyshuar si autorë.
Sipas të dhënave në vitin 2023, nga drejtoria e burgjeve, në burgun e Kavajës, ishin 18 të mitur që vuajnë dënimet, për veprat e kryera. Ndërkohë nga amnistia përfituan 11 të mitur.
Discussion about this post