Më shumë se një miliard adoleshentë dhe të rinj janë potencialisht në rrezik të humbasin një pjesë dëgjimit të tyre. E gjithë kjo për shkak të përdorimit të shpeshtë të kufjeve dhe dëgjimit të muzikës me zë shumë të lartë por edhe pjesëmarrja në evenimente ku ka muzikë të lartë si baret apo lokalet e natës.
Një ekip ndërkombëtar studiuesish vlerësojnë se 24% e 12-34-vjeçarëve po dëgjojnë muzikë në pajisjet personale të dëgjimit në një “nivel të pasigurt”. Gjetjet u botuan në revistën BMJ Global Health.
Lexo edhe: Panairi i Librit në epokën post-pandemike, pritet rritje e çmimit
Ata u bënë thirrje qeverive që të zbatojnë “urgjentisht” politikat e dëgjimit të sigurt. Organizata Botërore e Shëndetësisë (OBSH) vlerëson se më shumë se 430 milionë njerëz të të gjitha moshave në mbarë botën aktualisht kanë humbje të pjesshme të dëgjimit. Të rinjtë janë veçanërisht të pambrojtur për shkak të përdorimit të pajisjeve personale të dëgjimit (PLD), të tilla si celularët dhe kufjet.
“Rastet e përsëritura mund të shkaktojnë dëmtime fiziologjike në sistemin e dëgjimit, duke u paraqitur si tringëllimë në veshët kalimtare ose të përhershme dhe/ose ndryshime në dëgjim. Dëmi nga dëgjimi i pasigurt mund të përkeqësohet”, thanë studiuesit.
Studiuesit, të udhëhequr nga akademikë në Universitetin e Karolinës së Jugut në SHBA, ekzaminuan studimet e mëparshme mbi pajisjet personale të dëgjimit dhe ambientet e muzikës me zë të lartë që u zhvilluan midis 2000 dhe 2021. Autorët vlerësuan se 23% e të rriturve të studiuar dhe 27% e “të miturve” ishin të ekspozuar ndaj zhurmës së tepërt nga pajisjet personale të dëgjimit.
Discussion about this post