Alban Ramosaj futet brenda shtëpisë së “BBV”, Beatrix shpërthen në lot

Duket se në “Big Brother VIP” suprizat nuk kanë të mbaruar.

Në emisionin e sotëm Beatrix Ramosaj u ftua në dhomën e rrëfimit, ku i kanë paraqitur një video të shkurtër të momenteve më të bukura që ajo ka kaluar me vëllain e saj, Alban Ramosaj.

Pas lotëve, Beatrixi është kthyer në dhomë, por ajo nuk e dinte se çfarë do e priste më pas.

Albani, u fut brenda shtëpisë më të famshme në Shqipëri, pikërisht për të befasuar motrën e tij, duke na emocionuar jo vetëm banorët, por edhe publikun.

Albani tha se e kishte marrë malli shumë, madje javën e kaluar nuk ishte votuar që ajo të qëndronte në shtëpi, pasi i mungonte tej mase. Ai nuk mundi t’i tregonte këngëtares, as planet e tij për karrierën, që ka ndërmend t’i realizojë së afërmi, përfshirë këtu albumin dhe pjesëmarrjen në Festivalin e Këngës.

Megjithatë, Beatrix tha se ishte “më e lumtura në botë” për suprizën, dhe kjo merrej me mend, pasi shpesh e ka treguar se Albani është pika e saj e dobët.

Gjatë një momenti, Arbana i bëri një ofertë Albanit: ose të qëndronte me motrën e tij, por të bëheshe pjesë e shtëpisë, ose të largohej.

Edhe pse dëshira e këngëtarit ishte e madhe, ai nuk mund të qëndronte dot.