Aldi Rama, autori që ekzekutoj me plumb në zemër oficerin Saimir Hoxha, po mbahet i intubuar, me frymëmarrje të drejtuar dhe me kokën e fashuar.
Raportohet se ai ka marrë dëmtime në kokë nga predha e armës së zjarrit, që i ka prekur edhe zonën e trurit.
Po ashtu burime nga Trauma bëjnë me dije se ai ka qëlluar nga ana e majtë dhe plumbi ka përshkuar tejpërtej.
I riu ndodhet në reanimacion dhe po u nënshtrohet analizave. Menjëherë, pas tyre mjekët pritet të dalin në një konkluzion nëse do të kryhet apo jo ndërhyrje.
Bluzat e bardha i druhen një hemorragjie të brendshme që mund të ketë pësuar 21-vjeçari nga predha. Po ashtu Aldi Rama po i nënshtrohet ekspertizës mjeko-ligjore për të parë parametrat e tij jetësorë.
