Ish-mbrojtësi i Kombëtares, Adrian Aliaj ka analizuar ekipin kombëtar në vigjilje të ndeshjes ndaj Polonisë. Sipas tij, trajneri Edi Reja nuk e merr seriozisht sulmuesin Myrto Uzuni ndërsa u ndal edhe tek rivalët e grupit.
“Polonia dhe Hungaria, 2 kundërshtarë shumë të vështirë për të luajtur. Me Italinë dhe Anglinë nuk ke çfarë humb, por me Hungarinë dhe Poloninë, mendojmë që kemi mundësi, po flasim për 2 kombëtare të konsoliduar, duhet t’i marrim shumë seriozisht.
Shpresoj ta kenë kuptuar, të jesh optimist është një gjë, të jesh realist është gjë tjetër. Ti marrim gjërat më me qetësi. Po e them me pastërti, janë 2 ndeshje të vështira. Në Varshavë do të luajnë kundër 50 mijë shikuesve, Hungaria është e konsoliduar. Akoma gjërat nuk janë venë në vend, por do kemi dy ndeshje shumë të vështira.
Strakosha, Gjimshiti, Ismajli, Bare, Uzuni, janë lojtarë të kompletuar. Në veçanti Uzuni, që nuk është marrë seriozisht nga Reja. Kemi lojtarë shumë me vlera. Në Kombëtare është ekip tjetër, është diçka tjetër. Nuk kemi akoma një kombëtare që është në nivelin që luajnë me klubet”, u shpreh Aliaj.
