Komisioneri i KQZ-së, Ilirjan Celibashi shqyrtoi sot kërkesën e deputetit të Partisë Demokratike Enkelejd Alibeaj për ndalimin e etiketimit nga mediat Sali Berishën si kryetar të Partisë Demokratike. Sipas Celibashit, mediat e vlerësojnë vetë politikën e tyre editoriale.
“Nuk flitet për pikëpamjet e qëndrimet që media të caktuara mbajnë ndaj udhëheqësve të ndryshëm politik, por të një fakti juridik. Nëse ky fakt do pasqyrohet siç duhet, atëherë nuk ka pse presim përgjigje nga AMA.
Çështja e politikës editoriale apo qëndrimet e tyre, është në tërësisht në vlerësim të tyre, as KQZ as AMA nuk ndërhyn dot. Ne kemi detyrimin të bëjmë me dije këtë fakt juridik. E konsiderojmë të përfunduar me këtë vendimmarrje pa patur nevojë pë përgjigje formale nga ana e AMA-s”- tha ai.
Discussion about this post