Enkelejd Alibeaj, për të cilin Damian Gjiknuri tha se nuk e lejuan të futet në Komisionin e Reformës Zgjedhore, ka reaguar duke thënë se PD është e bindur në rrugën e saj për këtë reformë që u mundëson shqiptarëve barazi vote, mundësinë që emigrantet te votojne dhe votim e numerim elektronik.
Në një deklaratë, ai i bëri thirrje Lindita Nikollës që të marrë sa më parë masa për të lejuar zhvillimin normal të mbledhjes.
“Sikurse e shohim, PS dhe segmentet e opozitës janë të interesuar ta mbajnë peng këtë proces. Të parët për të siguruar zgjatjen e pushtetit dhe të dytët, duke bërë lojëra që lidhen me interesa thjesht personale.
Kryetarja e Kuvendit duhet të sigurojë mbarëvajtjen e procesit me instrumentet që ka në dorë, një orë e më parë të marrë masa. E dimë mirë se shfaqje të tilla të shëmtuara janë në funksion të pushtetit, është e qartë se për këtë funksion Rama përdor një palë që me bllokimet në kuvend nuk ka arritur asnjë gjë përvecse të shtojë arrogancën dhe të shtojë pushtetin e Ramës.
Jemi të vendosur për ta bërë reformën. Nëse palët e gjejnë veten komode në pengmarrjen që i bëjnë shqiptarëve në këtë teatër të shëmtuar e kanë gabim sepse nuk mund të gënjejnë më askënd me manovra të tilla.
Shfaqjet e shëmtuara kanë vetëm një qëllim, mbajtjen sa më gjatë të pushtetit të Ramës dhe pandëshkueshmërisë së tij. Kjo është lojë vetëm e Ramës. Nuk i intereson ndryshimi i sistemit dhe shumë kollaj i jepet mundësia që t’ja servirë sikur këtë po e bllokon opozita.“
Mbledhja e Komisionit të Reformës Zgjedhore dështoi të zhvillojë normalisht punën. Mbledhja ishte parashikuar të mbahej në orën 11:00, por deputetet e opozitës të grupit Bardhi-Berisha që përbëjnë edhe shumicën e deputetëve demokratë, kishin shkuar para këtij orari duke zënë të gjitha karriget. Kjo e pamundësoi zhvillimin mbledhjes.
Discussion about this post