Kryetari i Komisionit, Enkelejd Alibeaj i është përgjigjur kryetarit të SPAK, Arben Krajës pas deklaratës të këtij të fundit se vettingu në politikë është një proces që nëse do t’i ngarkohej institucionit që ai drejton, do të shtonte volumin e punës dhe do të bënte që SPAK të shfokusohej nga objekti primar.
Alibeaj u shpreh se e mirëkupton këtë shqetësim të Krajës, por sipas tij kjo procedurë parashikon dhe shtimin e stafit dhe buxhetit për këtë institucion, në mënyrë që mbingarkesa të evitohet dhe SPAK të pajiset me mekanizmat e nevojshëm për këtë detyrë.
“Sipas përllogaritjes së vettingut numri i subjekteve që do t’i nënshtrohen janë 140 deputet, sa ministra janë, 160 plus 60 kryetarë bashkie, sipas një përllogaritje numri i subjekteve të vettigut në politikë është i njëjtë me vettingun që ju bëni. Të mirëkuptoj me faktin që nuk keni staf dhe jeni të mbingarkuar. Amendamentet kushtetuese e kanë marrë parasysh. Besoj i keni parë që të dedikuar për këtë çështje mund të jenë aq prokurorë sa është e nevojshme. Do të thotë që përderisa ky është një institucion kushtetues dhe për sa kohë që numri i prokurorëve të SPAK përcakton që minimumi do të jenë 10, por maksimumi mund të jenë sa më shumë është e mundshme që nga tre ti bëjmë 13 prokurorë. Nëse bëhen 23 dhe buxhet të mjaftueshëm dhe me staf besoj që ju e keni vuajtur me ata 200 e ca subjekte, por nëse nga tre bëhen 23 këta 200 subjekte të tjera, cilësisht nuk ndryshon asgjë. Është vetëm çështje njerëzish që është e arsyeshme ta kërkosh. Për ta çuar dhe vozitur përpara të gjithë lëtë proces duhen më shumë njerëz.”
Alibeaj u shpreh se stafin dhe shtesën buxhetore është diçka që SPAK mund t’a kërkojë t’i vihet në dispozicion, pasi në të kundërt do të bëhej fjalë për mungesë dëshire dhe jo mundësie.
“Një problem mund të jetë mungesë e stafit, por edhe ndoshta mbështetjes buxhetore. Nëse nuk do të ishte as kjo, logjikisht do të binim në përfundimin që është mungesë dëshire. Lidhur me konstatimet që bëra dhe me ca të dhëna, do të doja një koment tuajin.”, u shpreh Alibeaj.
Nga ana tjetër kreu i SPAK, Arben Kraja theksoi procedurat që SPAK ka nën përgjegjësi në monitorimin e subjekteve, duke evidentuar ngarkesën që ky institucion mbart.
“ Pjesa e ligjit anti-mafia nuk është administrative se është goditje e pasurive që i referohet kodit të procedurës penale. Nga pikëpamja e komisionit të vettingut për verifikimin e punonjësve tanë, komisioni përbëhet nga tre vetë, është një procedurë mbingarkese. Pjesa e monitorimit të vazhdueshëm. Problemi i monitorimit ka disa problematika, aty është një numër i jashtëzakonshëm subjektesh që duhet monitoruar. Patjetër korniza ligjore e parashikon, ajo që thashë është se ne po mbingarkohemi me punë të tjera duke mos u fokusuar te ndjekja penale.”
Discussion about this post